14 mar. 2010

DICTÁU GRAMATICAL

(CORDOBELLEANDO 12)


Nota: Tolos trabayos espublizaos hasta agora tán abiertos a que vosotros mos despliquéis les vueses esperiencies y les meyores de los mesmos. Asina como sacar semeyes d’esposiciones, trabayos d’ellos,…)

Hai abondes menes de facer un dictáu. Nestes páxines vamos espublizar delles. La primera ta nun dictáu gramatical. Nun camentéis que vamos enllenar la pizarra de desplicaciones y los chavales van copiar lo que tamos a dicir. Facemos tres llistes de clases de pallabres, por exemplu: nombre, axetivu y verbu. Pa entamar, a cada neñu dáse-y un papel por cada llista, o dos, o tres… y tienen de poner una pallabra en cada una delles que s’adaute a la carauterística gramatical. Agora baráxase cada llista y tienen de sacar una pallabra por cada una. Con eses tres pallabres tienen d’inventar una fras y dictá-yla a los otros. Pue facese de frases sueltes, que tengan sentíu, que traten d’un tema,… Al final fáese un dictau col que van identificase, que-yos va prestar, que repasen gramática ensin querelo y que van trabayar didáuticamente.

2 comentarios:

esti home dijo...

Na que ver colo que son la mayoria de les clases d'anguaño.Facien falta innovaciones d'esi tipu pa motivar a los escolinos na primaria y secundaria.
salú!

Adivín Serafín dijo...

Pa mi que sí. Anguañu ta diéndose p'atrás na enseñanza. Bueno, si na más fuere na enseñanza.

Blogsaludos