26 jul. 2012

EL MAGU DE GOLTÓI



Nun se yera a desplicar si se cuntaba namái con un magu que vivía la carrapotada d’años o yeren dellos los que s’espardíen nel tiempu, el casu yera que dende hai muncho se falaba del magu de Goltói. La so fama enanchábase per tolos conceyos* de Cordobello y la so maxa dexaba clisáu hasta’l competidor más gallu. Sicasí, hebio d’asperar a la llegada de los foriatos* pa saber de la so sapiencia más ablucante y que naide nun fo a superar.

La maxa siempres emprimaba asina, con aquello de qu’en delles cases de foriatos apaecía un escritu que deseguida llamaba l’atención de dalgún de los sos habitantes. A ésti presentábase-y el conteníu de la forma más afayadiza pa la so llectura: lletres grandes o pequeñes, a papel o informatizáu, con ilustraciones o non, a ún o dos o tres espacios,… El casu yera que quedaba empapiroláu col testu y nun yera a dexalu nin anque viniere una plaga de sacaveres dulzayes que nun-y ficieren más que rebelguinos per tol cuerpu. Entós cayía nel fechizu: él nun albidraba lo que-y taba a pasar pero nel so interior ruxía un burbús que diba de les tripes al fégadu, d’ésti pa los pulmones y d’ellos pal reñón, y otra vuelta a entamar. Cada sílaba, cada pallabra, cada fras de la historia camudaba dalgo nel interior del foriatu ensin qu’ésti sintiere un rispiu d’ello, yera l’espíritu de les lletres qu’invadía’l so cuerpu. En tres díes tresformábase dafechu en vacalloria  con complexu d’esculibiertu tuertu, anque más cegatu taba’l foriatu que nun yera a decatase de nada y continuaba pensando que yera la mesma persona: un humán de gran consideranza y perimportante postín. Namái los llariegos veíen los efeutos del fechizu acordies diben asocediendo y riín la fazaña a fartar.

Home, saliéronte les patuques. Esta tardi, o quiciabes mañana pela mañana, saldrante les ales. Vas vien, foriatu. Anque dexes de lleer la historia el fechizu yá fizo’l so efeutu. Nun apartes los güe…



*Conceyos: división alministrativa de Cordobello que taba enraigonada cola so división cultural si quitamos el conceyu de Talagate (Eclipse nel cordobellés antiguu), inventu de los foriatos pa facer la so zona de vacaciones. Esta invención garró tarrén de los conceyos de Tala y Gate  (Lluna y Sol na llingua los vieyos), quitándo-yos la mar y dexándo-yos les tierres más probes. Angüañu ficieron d’elles auténtiques maravíes.



*Llegada de los foriatos: Nesti tarrén espárdese una dulda pergrande de cómo llegaron y per ónde. Namái se conoz la so xubida al poder meteórica debida a que metieron armes na isllalla, onde nun se conocíen.


A partir de la selmana que vien, y a lo llargo de tou agostu, esti blog va espublizase namái que los xueves. Nun hai como'l branu pa vaguear.

.

4 comentarios:

Citizen_0 dijo...

Entre que algo de extremeñu que se y la intuición , te leo, pero me cuesta. Ya irá saliendo mejor, al fin y al cabo, no hablo bable.

Espero que no seas tú el mago, y ahora me ande transformándome sin saberlo.

Un abrazo.

Adivín Serafín dijo...

Hola amiga. Aquí me ves, en este mar de tranquilidad. Necesitaba descansar de tanto bullicio.

Gracias por visitarme.

Saludos

jengibre dijo...

Hola Adivín.

Sólo pasaba para saludarte... Pero no he podido acceder a tu otro blog. Espero que no lo hayas cerrado!!!
Sé que no soy la mas indicada, con el tiempo que llevo desaparecida de la blogosfera...

Necesitaba un tiempo de soledad y silencio.

bueno, pues eso... Espero que estés bien...

Besitos de jengibre...

Adivín Serafín dijo...

Hola Jengibre. Mi tiempo no da para los dos blogs y ahora me llena más éste. Lo siento. Yo también necesito relagarme y lo he hecho. Gracias por tu visita.

Saludos