11 jun 2010

10 DÍES, 10, Y ESPUBLIZARÁSE "ORBAYU SECO" NEL BLOG

LES ILUSTRACIONES FÉXOLES UN COLLACIU, MIGUEL JIMÉNEZ JIMÉNEZ, GRAN PINTOR Y MEYOR PERSONA. PAGA LA PENA VISITAR EL SO BLOG ONDE ESPÓN LOS CUADROS QUE VA PINTANDO, http://desdemiventana-elwatio.blogspot.com/, PASÁI PER ENDE.

EL CAFÉ



Hai más de trenta años que voi per aquel café. Escoyílu a suertes. Na cai había tres cafés, pero namái él tenía gatos. La serenidá yera fundamental pa preparar los mios exámenes. Pidí té y un pinchu tortiella, abondo pa un esfamiáu como yo. Aquello tornóse nuna costume.

Un día fixéme nuna moza que pidió agua con gas. De mano rime del so pidíu, pero depués decatéme la so fermosura. Escomencipié a saludala a los dos meses y al cuarto yá taba falando con ella. Col tiempu tresformóse na mio muyer.

Pali que pali, les mañanes ficiéronse tardes y el santuariu enllenóse de veceros. El mio primer trabayu llegó como periodista d’un rotativu llariegu. Al mes, ella emprimó a facelo nel hospital de la Seguridá Social. Darréu, casámonos y traximos a esti mundiu a tres neños, mentanto’l café facíamonos compaña y curiaba de los nuesos fíos.

Torné de nueves a les mañanes y a emplegar el mio tiempu n’escribir noveles prietes. Vi como me convertía nun escritor de Best Sellers afamáu y los camareros entamaron a tratame de señor Riquelme, por muncho que-yos dixere que nun me prestaba nin un rispiu. Vieno’l premiu Planeta y tar denomáu pal Nobel, y el don xuntóse al señor y al apellíu. La xente presumía de saludame y dicir que me conocíen enantes que los otros.

Agora la mio vida camudó un migayín, dexando tres d’ella la so calma. Esi café, al que-y dediqué parte de la mio vida, va zarrar les sos puertes. Unos apartamentos llucirán la so fechura tres la so muerte.

2 comentarios:

Miguel Watio dijo...

Me alegro de volver a leer los microrrelatos. Son muy buenos. Y gracias por publicar tambien las ilustraciones. Pretome verlas junto a los relatos. ¡Suerte!

Un abrazo

Nel Morán dijo...

Gracias por estar ahí dando ánimos. Las ilustraciones son más guapas cada vez que las veo.

Blogsaludos