28 sept 2010

COSES DE CORDOBELLO

GOLGÓI



Golgói dicíen los neños cuando él pasaba. Golgói esprecetaben los vieyos cuando los miraba. Golgói marmuraba la xente n’edá de guerriar cuando él los señalaba. Más qu’una pallabra, yera’l mieu abandonáu a la so suerte.






Xandru coyó’l ganáu y xubió pal puertu. El bon tiempu indicó-y el camín y él xibló gayoleru la canción del branu. La mayada vinó pa escontra él y l’arume a les flores de la rodiada trúxo-y l’alcordanza de la so soledá. Golgói aspéralu al par de la so cabaña.


-¿Pienses que te vas llibrar de guerriar pa min?


-Onde nun hai mieu nun vengas buscar.


-Yes testerón, rapaz. Diéronme vasallax to pá y to güelu y los dos morrieron con honor. Nun vas ser tu distinto.


-Nun sirvo nin a reis nin a señores de la guerra. Torna per onde viniste –y xirop’atender el ganáu.


Golgói sacó la so espada y mató al rapaz pela espalda. La risa llegó a los pueblos de más cerca. Golgói fue descansar nel castiellu pa depués dir buscar xente pal so exercitu.






Cobarde dicíen los neños cuando él pasaba. Cobarde esprecetaben los vieyos cuando los miraba. Cobarde glayaba la xente n’edá de guerriar, señalándolu col deu la muerte. Más qu’una pallabra, yera’l pueblu cuando se sulevaba.

7 comentarios:

LLONXANA dijo...

Qué bien volverte a leer, además de muy buen comienzo. Me encanta el relato.
Bienvenido al mundo sin fronteras adivín.

Unknown dijo...

SE AGRADECE TU RENACIDA PRESENCIA... UN TIPO INTERESANTE ESTE "GOLGÓ"

Abrazos desde un Blog :)

Nel Morán dijo...

Hola Lonxana. Les Coses de Cordobello van acompañanos dalgún tiempu. Van ser micros o cuentinos que lleven por títulu ún de los conceyos de Cordobello.

Amás, en Cordobello va dir la parte didáutica del blog pa neños El Rapazu de Venus.

Aspero que te preste.

Blogsaludos

Nel Morán dijo...

Hola Chema. Es muy agrabable volver sobre todo cuando le esperan a uno amigos. Nos seguimos.

Blogsaludos

Nel Morán dijo...

Llonxana, perdona por camudate el Lonxana, cuestión de deos.

Blogsaludos

Lluis de Turiellos dijo...

Un relatu prestosu. Bienllegáu de vuelta a territoriu comanche.

Nel Morán dijo...

Bones Xanu. De vueltes de nuevo pela tierra baxa, porque alta y media yá mos queda mui llonxana. Seguímonos.

Blogsaludos